السلام عليكم،
انا من اول تكلمت عن افضل ثلاث منتجات عندي من محل لوكستيان و تقدرين تشوفين البوست من هنا
هالمره بتكلم عن اسوء منتجين جربتهم من المحل
يلا نبدا
اول منتج هو كريم للوجه
اللي شدني فيه انه فيه واقي شمس بنسبة ٤٠
حسيت بكون حلو للاستعمال اليومي
للاسف انا ما جربته بالمحل
رجعت البيت و جربته اول شيء لاحظته فيه انه سائل بزيادة
و لونه غريب ابيض على ازرق
مدري شلون اول مره اشوف كريم كذا
قعدت ادمجة
مع الدمج خف اللون الزرق
بس لسه يبين شيء ابيض على وجهك
و شيء ثاني مو حلو فيه ملمسه مدري كيف اوصفه
كأنه باودر او غبار شيء كذا
ما يرطب ولا يسوي شيء على البشره غير انه يعطيها لون ابيض مزرق
سعره ١٩٥ ريال
اوكي الحين نبدأ بالشيء الثاني
هذا المفروض تحطينه تحت عيونك و يبردها
و يقلل الانتفاخ و يخفف من السواد اللي تحت العين
استعملت ثلاث ارباعة زي ما تشوفون بالصوره
علشان اتأكد منه
اوكي الكره الحديدية صدق تبرد بس ما يخفف من الانتفاخ ابد
و اذا خفف كان شيء بسيط جدا و غير ملحوظ
هذا المنتج اللي داخله شفاف ماله لون
صعب تطلعينه من الكره مرات تنشف
لمه احطه على عيني اول شيء يكون كأنه مويا و ادمجه باصبعي
بس بعدين يقعد يدبق بزيادة
مع الوقت يخف التدبيق بس لسه يظل
ما منه فايده هذا المنتج ابد
سعره ١٣٩ ريال
طبعا كان ممكن اتفادى اني اشتريهم و اتحسف اذا جربتهم بالمحل
بس انا شريتهم على طول مدري شكلي كنت مستعجله
لان مجربه كريم لليل من نفس هذا النطاق و حبيته كثيير
فتوقعت بكونون نفس جودته
نصيحة اليوم لا تشترون شيء قبل لا تجربونه هههه
ليست هناك تعليقات:
إرسال تعليق