3/03/2017

Review: Glam Glow Super Mud | رفيو: ماسك قلام قلو

السلام عليكم، 
بوست اليوم بكون رفيو على ماسك قلام قلو سوبر مد

Glam Glow Super Mud


كثير منكم طلب مني رفيو على هالماسك.
الحين بعد ما خلصته عرفت رايي الاكيد

طريقة الاستعمال: قبل الماسك اغسل وجهي بفرشة الكليروسونك مع الغسول.
و بعدها احط الماسك على التي زون و الخدود بالفرشة. اتركه لمدة ٢٠ دقيقة.

 اول ما احط الماسك يكون بارد و رطب
 و بعدها بنشششف الماسك و بتشوفين المسام كلها بانت عليه. 

احسه صدق ينظف البشرة من عمق المسام. 
بعدها اغسله بماي دافي بس شوي يطول على ما ينشال.
 بعد الماسك ضروري جدا ترطيب البشرة لانه ينشفها.
و اليوم الثاني الصبح لازم تستعملين واقي شمس تحمين بشرتك.



بالنسبة للنتايج اول كم مره بتلاحظون يطلع كل الحبوب و الاوساخ اللي كانت تحت البشرة
 و بعد فترة من الاستعمال المستمر (مرتين بالاسبوع) 

يقلل من ظهور الحبوب على البشرة بكثييير و حسيت شوي شوي التصبغات جالسه تخف 
و الرؤوس السوداء و البيضة مرره خفت.
 البشرة صارت اصفى. مره افرق عليه لمه استعمله و لمه اوقف.


حسيت حقي خلص بسرعه بس احسن انه يخلص بسرعه ولا يطول و ينشف. 
و اهم شيء فيه اول ما تشترينه يجي معاه قصديرة بعد ما تفتحينه خليها عليه علشان ما ينشف الماسك بسرعة. 


باختصار الماسك مره حبيته و خلصته و جبت ثاني 👌🏽
سعره ٣٢٠ ريال و موجود في وايتس و سيفورا


ليست هناك تعليقات:

إرسال تعليق