أهلا و سهلا،
اليوم بشاركم بشيء غير عن الميك اب و هو عنايتي للبشرة في النهار
طبعا زي ما تشوفون بسيط جدا بس ٣ منتجات
مافيه حوسه علشان اقدر استمر عليه و ما اتعيجز
هذا الروتين اسويه اذا بطلع سواء بحط مكياج او بدون
اول شيء اخذ قطنه و امسح وجهي بالمنظف المائي حق قارنير و اتاكد صار نظيف
و بعدها استعمل المرطب من كيو في مره احبه لان ترطيبه عاالي و فيه نسبه حماية من الشمس ٣٠
و اخر شيء اذا ما كنت ناويه احط مكياج استعمل هذا الرول من ذا بودي شوب فيه كره حديده بارده تسوي مساج لمنطقة تحت العين و يطلع منه كريم مرطب خفيف و يخفف من الانتفاخ
اذا كنت ناويه احط مكياج افضل استعمل كريم كيلز لانه ترطيبه اعلى و يطلع احلى مع الكونسيلر
ممكن بين فتره الى فتره اغير ماركة المنتجات بس يظلون على نفس الفكرة
١- منظف مائي
٢- مرطب للبشرة مع واقي شمس
٣- كريم للعيون
و بس كل ما يكون الروتين سريع و بسيط يسهل الاستمرار فيه.
ليست هناك تعليقات:
إرسال تعليق