6/18/2017

Review: Nivea 3 in 1 Micellar Cleansing Water | رفيو: ماء تنظيف ميسلر ٣ في ١ من نيفيا

اهلا و سهلا، بوست اليوم بكون رفيو عن ماء ميسلر من نيفيا 


هالمرة بشاركم بمنتج ما ناسبني للاسف. 
هالفترة كل الماركات طلعت بماء الميسلر و منها نيفيا فحبيت اجربه 
انا استعمله قبل المكياج اتاكد وجهي نظيف و بعد ما اغسل المكياج اشيل فيه البقايا
و هو فعلا شال لي بقايا المكياج وماكان يحرق الوجه 
بس مع الاستعمال لاحظت انه للاسف ما يناسبني و طلع لي حبوب حمراء تحت الجلد 
فوقفت استعماله و قريت هالملاحظة عند اكثر من بلوقر


اللي مجرب هالمنتج شاركوني بتجربتكم...
و اي ماركة من المنظف المائي تفضلون؟ انا عن نفسي قارنير او بايو درما


6/17/2017

Morning Makeup Routine | عنايتي للبشرة في النهار

أهلا و سهلا،
اليوم بشاركم بشيء غير عن الميك اب و هو عنايتي للبشرة في النهار
 طبعا زي ما تشوفون بسيط جدا بس ٣ منتجات


 مافيه حوسه علشان اقدر استمر عليه و ما اتعيجز
  هذا الروتين اسويه اذا بطلع سواء بحط مكياج او بدون 


اول شيء اخذ قطنه و امسح وجهي بالمنظف المائي حق قارنير و اتاكد صار نظيف 
و بعدها استعمل المرطب من كيو في مره احبه لان ترطيبه عاالي و فيه نسبه حماية من الشمس ٣٠
و اخر شيء اذا ما كنت ناويه احط مكياج استعمل هذا الرول من ذا بودي شوب فيه كره حديده بارده تسوي مساج لمنطقة تحت العين و يطلع منه كريم مرطب خفيف و يخفف من الانتفاخ

اذا كنت ناويه احط مكياج افضل استعمل كريم كيلز لانه ترطيبه اعلى و يطلع احلى مع الكونسيلر 

ممكن بين فتره الى فتره اغير ماركة المنتجات بس يظلون على نفس الفكرة 
١- منظف مائي
٢- مرطب للبشرة مع واقي شمس
٣- كريم للعيون

و بس كل ما يكون الروتين سريع و بسيط يسهل الاستمرار فيه.



3/04/2017

Review: Hourglass Ambient Lighting Powder | رفيو: باودر اورقلاس لومنوس لايت

السلام عليكم، بوست اليوم بكون 
رفيو على 
 Hourglass Ambient Lighting Powder



ميزته خفييف جدا و نااعم
تركيبته مو مطفيه فيه لمعه خفييفه احب اثبت فيه كل وجهي بعد الفاوديشن و الكونسيلر 
يطفي البشره بشكل خفيف و يعطيها نضارة جمييلة

اللي خلاني اجربه هو اليوتيوبر Zoella
 كله تمدحه و تستعمله بالتتوريالز حقتها فحبيت اجربه 

في السواتش انا مكثره منه علشان يبين لونه، لكن على الوجه اخف بكثير

بكون مره حلو للي تحب اللوك يكون قلوي و صحي و بشرتها جافه

درجة الباودر Luminous Light

للاسف هالماركة مو متوفره عندنا انا طلبته من سيفورا امريكا 

سعرة ١٧٣ ريال