السلام عليكم
امس رحت مركز العناية بالشعر و الجلد في الخبر
و بقلوكم عن تجربتي هناك
هاذي غرفة الإنتظار جميلة و مرتبه
اول شيء قعت مع خبيرة الشعر و الجلد و فحصت لي شعري و فروتي
عن طريق جهاز صغير (اللي بالصوره) و من اساسه قالت لي ايش التريتمنت المناسب لي
قالت لي اسوي جلست المكلي
هاذي الغرفة اللي قعدت فيها حق الجلسة
اول شيء استملت جهاز النانو اكسجين و هو زي البخار
بعدها غسلت شعري و استمعلت جهاز يشيل التقصفات من الشعر
هذا ممتااز حق اللي شعرها متقصف و متحسفة تقصة
هذا الشعر اللي طلع من الجهاز صغاار مره
بعدين خلطت مجموعة من المنتجات احلى شيء انه كل شيء قدامك و المنتجات بعبوتها الاساسية مو مفرغينها بشيء ثاني تقدرين تشوفين ماركة الاشياء
و اضافت عليه ٢٤ قراط ذهب و حطتها بشعري
و حطت جهاز يشبه البخار بس اسمه الامزون و هذا يساعد على الترطيب و خاصة الفروه مدته كانت ربع ساعة
بعدين استعملت جهاز شكلة يشبه السيراميك بس هو ليزر يساعد في شد الشعره
بعدها غسلت شعري مره ثانية
و استعملت جهاز الفريز نفس شكل السيراميك بس انه بااااارد هذا يساعد على عدم تساقط الشعر
احلى شيء بهذا التريتمنت انها ما استعملت اي شيء حار
استغرق التريتمنت ساعة و ربع تقريبا
اللي لاحظته بشعري اول شيء ريحته جميييله
و نااعم و راح التقصف كأني توني قاصة الاطراف
بعد ما نشف لاحظت انه مترطب و خفت النفشة مره
لسة ظل كيرلي ما غير شكله الاساسي بس صار انعم و قلت النفشه و ترطب
نصحتني اني ما اغسله يومين ثلاثة
هاذي غرفة المناكير و البديكير
امي جربته
تقول من ناحية الاظافر كان شغلها دفش و تعور
و سوت البرافين ( واكس حار تحطينه على يدك زي الفقاز و يعطيك نعومه) تقول مره كان حار لدرجة حرقها مع انها مجربته في اماكن ثانية و ماكان هالدرجة حار
بس تقول كانت الأدوات كلها مغلفة و تفتحها قدامك
احلى شيء فيهم و هذا الشيء انا جدا مهتمه فيه و هو النظافة
الفوط كانوا مغلفين بأكياس بلاستيك و تفتحها قدامك و فرش الشعر بعد كلها مغلفه
حتى الاجهزة كانت تعقمهم بالمسحة الطبية قبل الاستعمال
من ناحية العاملات كانوا مرتبين لابسين اليونيفورم و قفازات و ماسك
و اجواء الصالون كلها هاادية و ريلاكس و روقان
مافي زحمة ولا حوسة
و طريقتهم بالحجز يفضل تحجزين قبل بيوم او يومين
هاذي كانت تجربتي مع الشعر و كانت جمييله انصحكم تجربونهم و ان شاء الله اذا جربت شيء ثاني عندهم بقولكم رأيي
هذا رقمهم:
0544884888
0138670809
و هذا اكاونتهم تابعونهم لانهم يحطون اوفرات و خصومات من وقت لوقت
موقعهم بالخبر بشارع البيبسي عند محل بستاني يمين بعدين امشي سيدة و بتلاقينه على يمينك
كم كلفك التريتمنت؟
ردحذف