السلام عليكم، بوست اليوم بكون ريفيو عن ماسكرة ميبيلين الجديدة
Lash Sensational Mascara by Maybelline
الصراحة حبيتها و ما حبيتها بنفس الوقت و الحين بقولكم ليش
اللي حبيته فيها هي الفرشه متقوسه شوي تساعد في تقويس رموشك بس احلى معاها عكافة الرموش
و الشعيرات اللي بالفرشه احجامها مختلفه تساعد على تمشيط كل شعره في الرموش حتى اصغر وحده
تعطيك لوك جمييل جدا تضاعف حجم الرموش و تكثفها و تطولها خطيره
و تبين كل رمش بالعين حتى اصغر واحد
مشكلتها الوحيده ازالتها جدا جدا صعبه
يعني انا عاده اشيل الماسكره بالغسول و بعدها بالماي حق قارنير يشيل البقايا
بس مع هاذي اول شيء مزيل مكياج زيتي بعدها الغسول بعدها المويا و لسه في بقايا
يعني تقطع الرموش و انت تشيلينها
ابد ما انصح فيها للاستعمال اليومي
و ممكن يكون السبب لانها ضد الماء علشان كذا صعب ازالتها
ممكن تستعملينها للمناسبات اذا انت من النوع اللي يدمع كثير
او اذا تبين تحطين شيء من الصبح الى الليل و يضل ثابت بدون ما يسيح
اللي مجربه النوع العادي تقولي شلون تجربتها معاها
الماسكره من ميبيلين و سعرها ٦١ ريال
ليست هناك تعليقات:
إرسال تعليق